「得到你一句真心的問候，我個心已經感到滿足了。」

Yvonne去完旅行返咗嚟!
本來就應該一齊食飯既..
不過應承咗大少話同佢食…
所以就推咗公司嗰餐飯!

返到公司既時候…
見到枱面上有份禮物!
原來Ken同Catherine返嚟咗!
多謝老闆同老闆娘既禮物呀!

已經病咗兩日啦!
病得好辛苦!
全身發冷、手腳無力、胃口唔啱!
就好似今日去HKSC到上堂咁…
我都已經唔想上堂啦!
不過…為咗唔想skip左一堂!
所以今日都係頂硬上!
原來…好多人都唔知我病!
咁又係…我呢個咁俾人睇死既人!
又點會有人注意得到呢?!

今日去食KFC!
一邊食KFC，一邊睇”換換愛”!
感覺…其實都唔錯!
臨走既時候，個肚好痛!
其實…肚痛已經維持咗一段時間!
又唔係嗰幾日架啦!
因為未係時候!
都唔明點解會咁…
不過，自己知自己事!
我諗…時候都到架啦!

返到公司…
終於忍唔住食頭痛藥、感冒藥…
點知過咗兩個鐘之後…
都係無用!
所以…就一次過食哂所有藥!
最後結果係點?!
梗係…暈咗喺公司啦!
不過…早就知道咗係咩事!

以下呢番說話…係同Fion講既!
Fion：
我諗…應該係時候放開你啦!
我亦都唔想再管住你!
我都覺得好攰!
我終於明白到…做一個家姐既角色係幾咁辛苦!
成日催你溫書、催你做功課!
呢種心情…我好明白!
因為…我都做過人地個妹!
明白到俾人叫係幾咁煩!
我都覺得自己好煩呀!
所以…為咗唔想再煩住你!
我選擇放手啦!
從此以後…我都唔會再管住你、煩住你!
由334開始…你都覺得好驚…
因為你嗰班入面，個個都係勁人!
老實講…有邊班係無勁人架?!
考試你總會遇到勁人!
你既人生裡面，總會遇上唔同既人!
人生仲有一段路要走，我只係你既其中一段路咋!
所以唔好睇得咁重要!
可能你會覺得我咁做係好殘忍…
但係…我想你知道，無咗我喺你身邊…
你身邊仲有好多人會幫你!
值得你依靠既人…喺未來等緊你!

我之所以咁講…
因為我知道自己既事!
無謂再同人地講啦!
心雖然係痛，但我唔忍心睇住你再喺咁!
你…明白嘛?!

P.s：多謝大少既問候!