補打返畢業禮日記!

尋日係畢業禮呀!
終於都畢業禮喇!
話咁快..中學既生涯咁就完左lu!
真係好似朱古力咁講，真係好快成為一段回憶!
不過，尋日有好多人無嚟喇!
有朱古力、So Wan、杜雪、楊澤森!
不過，尋日宜就返左嚟同我地一齊參加畢業禮!
睇返本畢業刊先知，原來我地班係最少人既一班!
五年裡面，自己學過d乜野、做過d乜野、參加過d乜野，都已經唔記得哂lu!
到咗四點半既時候，我同雁怡就去到雨天操場到掛隊!
見到卓太企左喺到!
我地都同卓太喺到傾計，呢次…算係我同卓太第二次傾計吧!
我：卓太..我會返嚟搵你架!
卓太：(驚)返嚟搵我?!
我：放心..係返嚟搵你食飯!
卓太：哦..咁都好d!
我：(笑…)
之後我地都喺到同卓太喺到笑!
卓太話咪同線，我就帶卓太去G11!
G11係我曾經喺裡面服務過大小事務既地方!
早會、表演等等..都係我既地方!
但而家..已經成為過去喇!
去到G11..睇到拎線出嚟既時候，Ben啱啱到…
Ben：點好意思呀?!要你嚟幫手!
我：唔好咁講喇!就當係..我真真正正服務A&I既最後一次囉!
Ben：唔好既!你今日既身份係畢業生，呢d野應該係你做既!
我：傻喇!我一日仲係靈風既學生，一日都仲係A&I既人!
Ben：哈…你好似講到簽左賣身契咁!
我：係架!由我加入左A&I開始..我就已經簽左賣身契架喇!
之後大家都喺到笑!
上到禮堂就綵排!
綵排左一個鐘之後，就出去食飯!
去左大快活，食左個粟米玉粒飯!

食左半個鐘到就返去學校，乖乖地坐定定等開始!
未乖乖乖乖地坐定定等開始前，我就上左2樓個樓座嗰到搵Ben同源傾計!
傾咗耐，臨走前，我同源講：你陣間唔好走呀!我要搵你同Ben影相!
之後我就走左lu!
落到去…已經排哂隊lu!
我班開始上去既時候，晴子HI我!
之後入到玻璃門見到元軒!
元軒又HI我!
之後我同佢HI!
我聽到5C班D人喺到話…個細佬好可愛、好得意呀!
之後黃Sir問..係咪你屋企人呀?!
我：係呀…佢係我表弟!
黃Sir：好得意呀!
我：過謝喇!

上到禮堂…真係好安靜咁坐喺到!
個個都叫我地熄電話!
但喺畢業禮過程中，有好多電話響!
終於都到授憑喇!
真係既興奮又緊張呀!
不過好在都無行錯!
哈…真係好緊張架!
你係唔會知道上台授憑等校監同你影相既嗰種心情!
嗰時…校監企喺我前面!
我班代表拎證書既係翹!
之後就影相..影完相之走喇!
成個畢業禮完咗，我地就要返課室!
我地嗰課室喺6樓….係604室!
終於都可以返返嚟呢個課室喇!
好耐都無坐過自己個位喇!
真係好掛住中五既時候，坐呢個位…
亦都好掛住上堂既時候，中意訓覺既訓覺，聽書既聽書!
真係好掛住呢種日子!

上到班房派成績表、級相、班相!
不過無得影相…有d唔係咁開心添!
話哂都最後一日返學校..
都唔可以齊齊整整咁返學!
真係有點遺憾!
帶著一點遺憾離開學校!
第一次咁夜都著住校服離開!
第一次喺咁多Prefect中歡送離開!
真係好多第一次呀!
下次返嚟…我諗應該係8月既事喇!

離開 這一刻感覺不會忘記
朋友 抱擁告別明天各自遠飛
難得 並沒傷感依依不捨顧慮
重拾昨天 樂趣一堆
曾經 每一天相約找美麗去
陶醉 美的故事互相勉勵去追
曾經 望著天空一起哭泣至睡
臨別說起 亦笑相對

#別了依然相信 以後有緣再聚
未曾重遇以前 要珍惜愛自己
在最好時刻分離不要流眼淚
就承諾在某年 某一天某地點 再見

TODAY WHILE THE BLOSSOMS
STILL CLING TO THE VINE
I’LL TASTE YOUR STRAWBERRIES
I’LL DRINK YOUR SWEET WINE
A MILLION TOMORROWS
SHALL ALL PASS AWAY
ARE WE FORGET ALL THE JOY
THAT IS OURS TODAY