尋晚….溫書溫到我好攰!
前所未有咁累!
再加上我尋晚扔左好多野!
係一d…我認為唔要既野!
每次我執野，都會俾媽咪睇過，媽咪認為唔要先扔!
但每次，佢都會鬧我!
今次都唔例外!
每次我都將唔愛既野扔哂，但佢每次都會留返哂我d野!
我心諗…我扔左、你又留!
咁我扔黎做咩呢?!
就好似d畫冊咁….我都唔會要架喇!
我都唔明你留黎做乜!
你留一次，我扔一次!
咁又何必呢?!

尋日媽咪係到執野既時候，家姐就同我係到溫地理!
媽咪不停咁係到鬧我，話我好扔哂佢留過既野!
我心諗：你留返哂咁多野，對我有用咩?!
之後就聽媽咪係到鬧我…
我d眼淚就一滴一滴咁流出嚟!
我連喊都唔敢大聲咁喊呀!
我點解要忍得咁辛苦者?!
因為我知道，我大聲咁喊，你地會鬧我呀!
溫到咁上下，我就走左去訓覺!
上左床無耐，Daddy就返黎!
我聽到家姐同Daddy、Mami講既野!
之後..一d眼淚又再一次咁流落黎!

一訓…就訓到9點3先起身!
起身無耐，早餐都無食，就溫書!
之後…就收到Daddy個電話!
Daddy打電話黎同我講：唔好俾咁大壓力自己，盡左力就得架喇!今晚早d訓，聽日早d起身!加油!知道嘛?!
我話：知道喇!
聽到Daddy俾我既打氣，我d眼淚再次流落黎!
開始…感到壓力大喇!
啱啱媽咪打黎，同佢都無乜兩句!
同佢好似係陌生人咁!
唉…救命呀!