我諗呢句歌詞.
大家都好熟啦!
無可否認.呢句歌詞已經喺一套台劇到出現過啦!
haha…
當然…呢句歌詞係對住某人說的!
我從來都唔敢同佢講我鍾意佢!
雖然佢無同我講佢鍾意我，但係…佢心諗d咩…我真係唔知呀!

究竟…佢對我係愛定係朋友呢?!
呢個我諗連佢自己都唔知道!
或者…學晴子咁講：「唔講好過講」
講咗出口..永遠都係被拒絕!
我亦都唔知道佢係咪拒絕我!
但慶幸既係..我同佢講咗我鍾意佢!
雖然係假口於人..不過..我知道佢係唔會鍾意我!

錯過了一次機會..
我還有下次機會嗎?!

樹蔭有一隻蟬　跌落你身邊
驚慌到失足向前　然後撲入我一雙肩
令你腼腆一臉　像櫻花萬千
懷念美好高中兩年　期望你的青春不變
去到今天

還記得櫻花正開　還未懂跟你示愛
初春來時　彼此約定過　繼續期待
人置身這大時代　投入幾番競技賽
曾分開　曾相愛　等待　花蕊又跌下來　
才洞悉這是戀愛

未有過的愛情　但有種溫馨
歸家那單車小徑　沿路細聽你的歌聲
沒法再三傾聽　你的感動暱稱
維繫錯的一番友情　無奈已經不可糾正
太過堅貞

還記得櫻花正開　還未懂跟你示愛
初春來時　彼此閉著眼　渴望未來
人置身這大時代　投入幾番競技賽
曾分開　曾相愛　等待　跟你未愛的愛　
你說悲不悲哀

秒速之間變改　小小世界
眷戀　也許走不過　拆卸的街
少女亦隨年漸長　走得多麼快

如有天櫻花再開　期望可跟你示愛
當天園林今天已換上滿地青苔
如有天置地門外　乘電車跨過大海
匆匆跟你　相望一眼　沒理睬
明日花　昨日已開

今日算係無乜野做既一日啦!
不過…日日咁出街法…我對腳都好攰!
好似唔知點咁!
次次返到屋企都唔想食飯!
第一次有唔想食飯既感覺!
好想沖完涼就上床瞓覺!
連飯都唔想食!

尋日出差..
差點兒暈到!
又熱又攰…加上又曬!
想攞我命咩?

個男仔對我只係朋友.
但我對佢，就係情人.
唔通朋友唔可以變做情人咩?!
情人分手後..又可唔可以做返朋友呢?!
我真係唔知道可唔可以!
但我知道.,.
喺個男仔心目中，永遠都只係朋友!
而唔係情人!

唉….
點解鍾意一個人會咁苦?!
點解愛一個人會咁苦呢?!
呢點…我真係唔知道!

我如何讓你知道,,,我是愛你?!

尋日食完lunch之後.
就去幫老閭娘入數.
入完之後就返去公司到整野!
之後又去郵局!
但嗰個時間已經係4:40分!
郵局仲有20分鐘就close the door!
我應該點做呢?!
唯一可以做既係…跑!

晴兒個故仔終於都大結局啦!
恭喜恭喜!
不過…我個故仔就…
有排啦!
haha
想睇就等下啦!

尋日第一日返工…
老闆請食飯.
去咗三木韓國料理搞掂.
埋單找數!
你估下幾$$?!
hehe….
估唔到呢?!
就係:516個大元!
多謝老闆!
第一日返工就有老闆請食飯!
尋日做過d乜?!
無呀!
去人地既會計師行到俾文件人地簽!
不過都好近!
第一日返工主要係做執File、學影印、學Fax、整理d公司資料!
之後就出街認路去稅務局、政府合署!
之後就返公司!
無幾耐就收工lu!

到咗今日…
差d遲到，但好彩…我無遲到!
返到上去.
喺門口企咗一陣.
就見到阿富返嚟開門!
之後就到Kelvin、Janet…
d人就不停咁返嚟!
原本執緊File，但係俾老闆娘叫咗我入會議室到搞!
嘩…將d野搬嚟搬去!
再有力既我，都攰到嘔lu!
整理完d file之後，就去同老闆娘講我搞掂哂d野!
點知老闆娘叫我去中銀到入數支票!
有一張支票係五萬蚊既!
但我就入左50蚊!
返到公司…
老闆娘問我點解無入到嗰5萬蚊!
我先知道原來係5萬蚊!
我心諗：大鑊啦!入錯數添!
之後老闆娘就叫我返去做野!
我成日就係執野、打野、執野、打野!
呢個就係我份工既流程!
真係攰到我!

每日放工之後…
我都好想瞓覺!
只係..我根本就瞓唔到!
因為我想見到既人，根本就唔喺我身邊!
每日我都好想好想有你在旁!
但你而家身在何方，你又點可以陪到我呢?!

星期六個日…
大少爺去日本啦.
尋日係我有數以黎過得最無聊既一日.
平時任何一個時候，大少爺都會打俾我.
但係….點解佢去咗日本….所有野都唔同哂呢?!
尋日爺爺生日呀.
我點幾就返左麻麻到.
幫麻麻剪黃皮.
d黃皮真係好噁心呀.
又多蟲喎.
見到d蟲就驚啦.
之後細姑姐、姑媽佢地慢慢咁返到.
當然表哥都有返啦.
不過….一年只有三次先見到表哥.
點解?!
因為只有新年、爺爺生日同麻麻生日先會見到表哥.
如果唔係….平日都見唔到一次呀.
無計啦!點解叫表哥忙喎.
食完蛋糕之後，就係麻麻到休息.
下半日都無做過野，因為好眼訓.
差d可以訓得到.
但因為熱既關係，所以無訓到.
跟住呆到6點鐘，先可以出得門口.
如果唔係要同大小姐講野，我一早就出左門口啦!
去到上水之後….
就幫大少爺睇下有無佢想要既野!
有既話就幫佢買!
不過….我只係幫佢買左鬼鬼既野!
佢鍾唔鍾意我都唔知!
不過如果佢想買既話，我都可以帶佢去既!
之後就去酒樓食飯啦!
睇左嬸嬸同細叔d相…
原本日本係咁架!哈哈…
尋日d飯真係太好味啦!
我自己食左一碗飯!
呵呵….
之後就返屋企!
竟然會訓唔著呀!
因為….我有心事先會訓唔著姐!

星期日……
聽日就返工啦!
心情有d緊張添!
嗯!或者…..應該都會係一個好開始吧!
Daddy話當係出去拎經驗，做下都無妨!
我決定去試….做一個月之後就唔做lu!
可能我只係想拎經驗!
反正….我21號都要去上堂!
如果可以既話，我想食埋飯先返工…都得喎!
haha…
佢…已經第二日啦!
仲有三日先返黎!
我…係等緊佢既禮物!
haha..唔知佢會買咩禮物俾我呢?!
等緊份禮物!

個故仔….仲有10集就完啦!
但我都唔可以打哂咁多集!
之後再俾我家姐po!
因為….我返工之後既日子，會好少機會接觸部電腦!
返工既時候，根本無時間俾我用電腦!
所以….個故仔就要遲d先可以睇結局啦!
各位讀者….真係對唔住啦!
因為要返工既關係，所以要你地等啦!
但唔好離棄我的故仔，因為好戲在後頭呀!