四川大地震都已經發生左幾日喇!
日日見到新聞咁樣講…個心都好痛!
自己實在太過幸福喇!
因為香港係唔會發生任何事!
香港係位於穩定性板塊之上，所以…無咩事都唔會發生!
相比於四川既人，實在太幸福喇!
見到四川d人咁樣，想幫…都幫唔到!
唔係完完全全唔想幫，只係有心無力姐!
見到四川d小朋友無左屋企，我覺得自己已經好幸福喇!

身邊朋友既家人都喺四川個到，生死未卜!
希望佢地得到既消息…係好而唔係壞喇!

有時我真係會問自己…我係咪咩朋友都無哂?!
因為悶既時候，想搵一個人傾計都無!
個個唔係食飯，就話要整野!
個個都話轉頭打返俾我!
結果…咪就係無左回事囉!
次次都係咁，講完既野無信用!
嘿…太討厭喇!

一次又一次咁呃我，次次都話遲d搵我!
結果呢…次次都無左回事!
尋日有兩個人話會打返俾我架!
係邊個自己知喇!
一次一次都係咁，嘿…激死我喇!
唉…算喇!我真係悶到無朋友架喇!
下次咪洗指意我會搵你地添呀!
哼………

今日係感冒之後既第一日!
又訓到9點幾先起身!
一起身…把聲就變哂!
無左原來嗰把聲…到下晝把聲先正常返!
隻七級豬(我慣左咁叫我家姐)訓到10點半先起身!
haha….名副其實既七級豬!
起身之後就食早餐、食藥!
之後就打機，直至到食lunch!
lunch無野講，只係沉默咁食飯!

尋日食左d粥…
好好多喇!
因為尋日無胃口，所以先食粥!
haha….有魚送粥!
再加燕菜同d雞翼，好好味!
因為尋日媽咪放假，所以先有粥食!
如果唔係，我都唔知食咩好!
之後睇完<同事三分親>同埋<銀樓金粉>之後就訓覺lu!

今日發左個惡夢呀…
喺夢裡面，我見到好多我唔識既人!
就連我身邊既朋友、親人我都唔識、唔認得佢地!
我真係真真正正得返自己一個!
我連自己喺邊我都唔知!
喺夢裡面我見到好多架巴士，d巴士仲係4層既添，好似大陸d巴士咁!
嗰日我仲要去睇醫生!
我上左架巴士係91號巴士!
之後就係開車，點知架巴士行黎行去呢個地方!
我索性落車行過去醫院到睇醫生!
點知最後都趕唔切，無得睇!
之後我就醒左lu!

我去左粉嶺家庭醫務中心到睇醫生!
我同醫生講話我個頭好重、好累!有鼻水，喉嚨好乾、好痛!
之後醫生幫我檢查個鼻、喉嚨同個肺!
醫生話我個肺無事，但我喉嚨同個鼻腔裡面就腫哂!
醫生話我應該係感冒，好彩無傷到入個肺到!
之後醫生都開左好多種藥俾我食…食到我都唔知吃咩好!
賜完之後就去行樂軒飲茶!
飲完之後就返屋企lu!

今天是母親節!我在此祝天下的母親，母親節快樂!
看到所有的子女也跟母親吃飯…真的很開心!
哈!其實跟自己母親一起食飯也是一件開心的事吧!

這是我送給母親的禮份!
只是擁有一束花兒，還有一條鍊子!
雖然母親到現在還沒發現!
不過，她今天晚上應該會發現這份禮物!

究竟…愛係d乜喇呀!
喺聖經裡面話…
愛是恆久忍耐、又有恩慈:
愛是不嫉妒、愛是不自誇、不張狂、不作害羞的事:不求自己的益處、不輕易發怒、不計算人的惡、不喜歡不義，只喜歡真理。
愛是凡事包容，凡事相信，凡事盼望，凡事忍耐。 
愛是永不止息。
這都是聖經所對愛的描述。

我真係唔知道…
愛係d乜野呀?!
愛係一場冒險，自由戀愛有代價.
若能突破關口，愛情能帶來幸福的家庭.
唔好遇少許錯折就談分手.
唔好拎愛情黎玩.
負責任既人，需要有良好的分手藝術.
意願堅決，意思解釋清楚.
態度要緩和，容許對方否認、憤怒，經歷緩衝期和哀傷期.
誠實承認自己也造成關係失敗，不否定自己的角色和應負的責任.
行為要貫徹一致，原要因憐憫心軟而行動反覆，或鼓勵幻想，否則痛苦將會更深.
各自尋找支援系統和思考過往關係的意義.

其實我根本就唔識點去愛一個人.
我自問我唔係一個大方既女仔.
我自問我唔係一個好識得管住一個男朋友既女仔.
我自問我唔係一個好識氹人既女仔.
試問我點可以去接愛一段感情呢?!
我唔係話我唔想拍拖呀!
而係我仲未準備好去接受另一段感情呀!

本月既愛情金句：盲目地愛只會愛傷害!

情人節欠缺了鮮花和香檳
靜靜換上了南瓜頭
難道我夢遊 或是不可救
試問我何以這樣難受

蒲完再買半打冇酒精啤酒
納悶發洩獨企街頭
潮人通街走 自問玩不夠
喪夜裡無法快樂無憂

* 文言文無罪 為何一一罷退
讀十年賭一命旅
到底出卷者是誰 難道你是神我是廢水
懷才心志銳 為何卻來遲十歲
論語詩經替我流淚
中文再好也難敵這句 (出年再考也懷念這句)
潛水怕屈機 見鬼勿O嘴 *

連環四格理應於漫畫中
現在卻滲入了考題
無聊剔一堆 樣樣猜不對
只好穿黑衣和平反對

Repeat *

明年怎去睡 未來再無力面對
放榜的一剎 竟不再淌淚
令我豪無頭緒去O嘴
原諒我不懂這情趣

無意間係youtube到發現左呢首歌!
我覺得都唱得幾好!
我想po上黎..
但係我唔識po…
我要搵人教我呀!